non son de aquí

.

[as nacións sen estado teñen vento]

(…)

[non hai formas:
hai vida]

(…)

[ao vento, que non para,
han querer darlle un nome
de lugar:
por bonito que sexa,
unha traizón.]

(…)

[Todas as relacións
son a distancia,
pero eu non son
de aquí,
non teño descendencia,
non quero máis orixe
que esta ponte
até que nos sosteña
e cando caia
teñamos a nobreza
de marchar
sobre os restos,
saibamos despedirnos,
que sexa tan fermoso
como nunca.]

* * *

maría do cebreiro, 2008
[ non son de aquí ed. xerais 2008]

.